2014-2017 වර්ෂවලට අදාළව එවකට සබරගමුව පළාත් මහ ඇමතිවරයා ලෙස කටයුතු කළ මහීපාල හේරත් මසකට හිමි ඉන්ධන ලීටර් 1700 වෙනුවට ඉන්ධන ලීටර් 4700ක් භාවිත කර ඇති බව කෝපා කමිටුව හමුවේ අනාවරණ වී ඇති බව වාර්තා වේ.
එමෙන්ම ඒ සඳහා රුපියල් අනු අට ලක්ෂ පනස් දහස් එකසිය හැත්තෑවක මුදලක් ලබාගෙන ඇති බවයි එහිදී සඳහන් කර ඇත.
ඒ සබරගමුව පළාත් සභාවේ නිලධාරීන් එම කමිටුව හමුවට කැඳවූ අවස්ථාවේදීයි.
” සබරගමු පළාතේ හිටපු මහ ඇමති ඉන්ධන ලීටර 1500 ගානේ 3000ක් ලබාගෙන තියෙනවා. එතකොට 2014- 2017 වර්ෂවලට අදාළව ප්‍රධාන අමාත්‍යංශයෙන් අනූ අට ලක්ෂ පනස්දහස් එකසිය හැත්තෑවල් ලබාගෙන තියෙනවා. එයාට මාසිකව හිමි වූ ඉන්ධන ලීටර් ප්‍රමාණය ගත්තොත් ඩීසල් ලීටර් 500ක් සහ ප්‍රෙට්‍රල් ලීටර් 1200ක්. කැබිනට් ඇමතිවරයෙක්ට හම්බෙන්නෙත් මාසෙකට ලීටර් 1700යි. ඒ කියන්නේ දවසකට ලීටර් 156ක් පාවිච්චි කරලා තියෙනවා.”
