අද මධ්‍යම රාත්‍රියේ සිට වෙන්කළ ආසන සහිත දුම්රිය ධාවන රාජකාරීවලින් ඉවත්වීමට දුම්රිය නියාමක සංගමය ගත් තීරණය අත්හිටුවා ඇති බව වාර්තා වේ.
දුම්රිය ප්‍රවේශ පත්‍රයේ කිසිවෙකුගේ හැදුනුම්පත් අංකයක් නොමැති අවස්ථාවක රුපියල් 3000 ක මුදලක් ගෙවා අතිරේක පත්‍රයක් නිකුත් කිරීමට දුම්රිය බලධාරීන් ගනු ලැබූ තීරණයට එරෙහිව මොවුන් මෙම වෘත්තීය ක්‍රියාමාර්ගය ආරම්භ කිරීමට සැළසුම් කර තිබුණි.
කෙසේ වෙතත්, අද පස්වරුවේ නව දුම්රිය සාමාන්‍යාධිකාරි රවීන්ද්‍ර පත්මප්‍රිය සමග පැවති සාකච්ඡාවෙන් අනතුරුව අදාළ ගැටලු‍වට විසදුම් ලැබීම නිසා වර්ජනය අත්හිටුවීමට කටයුතු කළ බව දුම්රිය නියාමක සංගමයේ ලේකම් කේ.ඩී.ඩී ප්‍රසාද් කියා සිටියේය.
