ඛනිජතෙල් නීතිගත සංස්ථාවට අයත් රුපියල් 6,146,110ක මුදලක් සාපරාධී සාවද්‍ය පරිහරණය කිරීම සම්බන්ධයෙන් චෝදනා එල්ල වූ හිටපු ඛනිජ තෙල් අමාත්‍ය අනුර ප්‍රියදර්ශන යාපා ඇතුලු 06 දෙනාට විවෘත අධිකරණය හමුවේ අධි චෝදනා භාර දීමෙන් අනතුරව ඇප මත මුදා හැර ඇති බව වාර්තා වේ.
කොළඹ ප්‍රධාන මහාධිකරණ විනිසුරු මංජුල තිලකරත්න හමුවේ මෙලෙස අධි චෝදනා භාරදීමෙන් අනතුරුව විත්තිකරුවන් රුපියල් ලක්ෂය බැගින් වූ මුදල් ඇපයක් සහ රුපියල් ලක්ෂ 10 බැගින් වූ ශරීර ඇපයක් මත මුදා හැර ඇත.
2014 වසරේ දෙසැම්බර් මස 26 වනදාත්, 2015 වසරේ ජනවාරි මාසයත් අතර කාලය තුළ නිසි ක්‍රියාමාර්ග අනුගමනය නොකරමින් ගංවතුර සහනාධාර සදහා රුපියල් 6,146,110 ක මුදලක් වැයකරමින් එකී මුදල් සාපරාධී, සාවද්‍ය පරිහරණය ඇතුලු අධි චෝදනා 05 ක් යටතේ හිටපු අමාත්‍ය අනුර ප්‍රියදර්ශන යාපා, ඛනිජ තෙල් නීතිගත සංස්ථාවේ එවක සභාපතිවරයා ඇතුලු විත්තිකරුවන් 06 දෙනාට චෝදනා ගොනු කර තිබුණා. මෙහි පූර්ණ නඩු විභාග සම්මන්ත්‍රණය ඔක්තොම්බර් මස පළමුවනදා පැවැත්වීමට නියමිතයි.
