ත්‍රස්තවාදය වැළැක්වීමේ පනත අහෝසි කරන බව විදේශ කටයුතු, විදේශ රැකියා සහ සංචාරක අමාත්‍ය විජිත හේරත් පවසයි.
අද (22) පාර්ලිමේන්තුව අමතමින් ඔහු මේ බව පැවසීය.
ඔහු පවසා සිටියේ සැප්තැම්බර් මස මුල වන විට මෙම පනත අහෝසි කරන බවයි.
මෙම ත්‍රස්තවාදය වැළැක්විමේ පනත සඳහා කමිටුවක් පත්කල බවත් ඒ අනුව සංශෝධනයන් මෙම මස අඟ අවසන් වන විට අවසන් කළ හැකි බවත් අමාත්‍යවරයා පවසා ඇත.
“ත්‍රස්තවාදය වැළැක්විමේ පනත එක්සත් ජාතින්ගේ සංවිධානය හෝ මානව හිමිකම් කවුන්සිලයෙන් කියන එකක් නෙමෙයි.අපේ ප්‍රතිපත්ති ප්‍රකාශනයේ පැහැදිලිව සඳහන් වන එකක්.ඒ සම්බන්ධයෙන් අපි දැනටමත් බලයට පත් වෙලා කෙටිකාලයක් තුල කමිටුවක් පත් කලා ජනාධිපති නීතිඥ රියන්සි අර්සකුලරත්න මහතාගේ මුලිකත්වයෙන්.ඒ කමිටුව අවස්ථා ගනනාවක රැස් වෙලා ඒ අවශ්‍ය කරන සංශෝධනයන් සිද්ධ කරලා මේ මාසේ අඟ වෙනකොට අපි ඒක අවසන් කරලා සැප්තැම්බර් මුල වෙනකොට ත්‍රස්තවාදය වැලැක්විමේ පනත අහෝසි කරන ඒ කෙටුම්පත ගැසට් කරන්න අපි කටයුතු කරනවා……”
