ජෙරුසලමේ සිදුවූ වෙඩි තැබීමෙන් මේ වන විට පුද්ගලයින් සිව් දෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා කරයි.
මියගොස් ඇත්තේ අවුරුදු 30-50ත් අතර වයස්වල පසුවන පිරිමි පුද්ගලයින් සිව් දෙනෙකු බවත් එම මාධ්‍ය වාර්තා සඳහන් කරයි.
එමෙන්ම තුවාල ලැබූ තවත් පස් දෙනෙකු ප්‍රාදේශීය රෝහල් වෙත ඇතුළත් කර ඇති බවත් වාර්තා වේ.
අද උදෑසන ඊශ්‍රායලයේ ජෙරුසලම රාමොට් හන්දියේ පිහිටි පිවිසුමේදී සිදුවූ වෙඩි තැබීමකින් පුද්ගලයින් 15 දෙනෙකු තුවාල ලැබූ අතර විදෙස් මාධ්‍ය වාර්තා කර ඇත්තේ මූලික වාර්තා අනුව අවම වශයෙන් තුවක්කුකරුවන් දෙදෙනෙකු විසින් මෙම වෙඩි තැබීම සිදුකර ඇති බවයි.
