මහින්ද රාජපක්ෂ යනු මෙරට සංස්කෘතියක් බවත්, 2029 වර්ෂයේ නියත ජනාධිපති නාමල් රාජපක්ෂ බවත්, ශ්‍රී ලංකා පොදුජන පෙරමුණේ හිටපු පාර්ලිමේන්තු මන්ත්‍රී තිස්ස කුට්ටිආරච්චි පවසයි.
ඔහු මේ බව සඳහන් කළේ, මාධ්‍යවේදින් ඇසූ ප්‍රශ්නයකට පිළිතුරු ලබාදෙමිනි.
එහිදි ඔහු වැඩිදුරටත් සඳහන් කළේ,
“ලක්ෂ දෙකහාමාරට වැටුණු පොදුජන පෙරමුණ අපි ලක්ෂ 10ක් දක්වා ගිය මැතිවරණයේ ඉහළට ගෙනාවා. ඒ කියන්නේ අපිත් එක්ක මොන හේතුවන් නිසා හෝ ඈත් වෙලා හිටපු ලක්ෂ හතහාමාරකට ආසන්න කණ්ඩායමක් ඒ වෙලාවේ අපිත් එක්ක එකතු වුණා. ඒක නිසා ඒ ලක්ෂ හතහාමරෙන්ම අපි අහන්න ගියේ නෑ අයි ගියේ? ඇයි ආවේ? කියලා. ඒ අපෙ මිනිස්සු. 69 ලක්ෂයක් ඡන්දේ තිබුණු මිනිස්සු. අපිත් එක්ක යම් යම් පෞද්ගලික කාරණා නිසා සහ ඒ දිස්ත්‍රික්කවල නායකයෝ ගත්ත යම් යම් වැරදි තීන්දු තීරණවලදී නායකයාව අත හරින්න බැරුව සමහර අනුගාමිකයින්ට ඒ කටයුතුවලදී අකමැත්තෙන් වුණත් සමබන්ධ වෙන්න සිදුවුණා…
අපේ එකම බලපොරොත්තුව 2029 නාමල් රාජපක්ෂ මහත්තයා මේ රටේ තරුණ ජනාධිපතිවරයා හැටියට මේ රටේ ජනාධිපති පුටුවේ වාඩි කරවන්න. මීට පෙර අපේ පක්ෂෙත් එක්ක හිටපු යම් යම් හේතූන් නිස සර්වජන බලවේගය සමඟ එකතු වුණු, සජබ එක්ක සම්බන්ධ වුණු, එක්සත් ජාතික පක්ෂයත් එක්ක සමබ්න්ධ වුණු ගොඩක් දෙනෙක් අද අපිත් එක්ක සමබන්ධ වුණා. පුද්ගලික චරිතවලට වඩා අපි නිතරම හදන්නේ ප්‍රතිපත්තියක්. මහින්ද රාජපකෂ කියන්නේ මේ රටේ සංස්කෘතියක්. එතුමා ගාව තියෙනවා දේශීයත්වය මුසු වෙච්ච සංස්කෘතියක්. ඒකට තමයි අපි ආදරේ. ජාතිකත්වය මුසු වෙච්ච සංස්කෘතියක්.රටට, දැයට, ජාතියට, ආගමට ආදරය කරන නායකයෙක්. ඒ ආදරණීය වීරෝධාර නායකයාගේ පුතා තමයි නාමල් රාජපක්ෂ. නාමල් රාජපක්ෂ කියලා කියන්නේත් මේ රටේ මහ දැවැන්ත ශක්තියක් අපිට. රටවාසි සියලු දෙනාට ආරාධනා කරනවා 2029 නියත ජනාධිපති නාමල් රාජපක්ෂ…”
