2025 ආසියානු කුසලාන විස්සයි 20 ක්‍රිකට් තරගාවලියේ ශ්‍රී ලංකා කණ්ඩායම හා බංග්ලාදේශ කණ්ඩායම අතර පැවති තරගයෙන් කඩුලු 6 ක විශිෂ්ට ජයක් වාර්තා කිරීමට ශ්‍රී ලංකා කණ්ඩායම සමත් විය.
තරගයේ කාසියේ වාසිය දිනාගත් ශ්‍රී ලංකා කණ්ඩායම පළමුවෙන් පන්දුවට පහරදීමට බංග්ලාදේශ කණ්ඩායමට ආරාධනා කළ අතර ඔවුන් සිය පන්දුවාර 20 තුළ කඩුලු 5 ක් දැවී ලකුණු 139 ක් ලබා ගත්තේය.
පන්දුවට පහරදීමේදී බංග්ලාදේශ කණ්ඩායම වෙනුවෙන් නායක Litton Das ලකුණු 28 ක් හා නොදැවී පන්දුවට පහරදුන් Jaker Ali ලකුණු 41 ක් හා Shamim Hossain ලකුණු 40 ක් ලබා ගැනීමට සමත් වූ අතර පන්දු යැවීමේදී ශ්‍රී ලංකා කණ්ඩායම වෙනුවෙන් වනිඳු හසරංග කඩුලු 2 ක් හා නුවන් තුෂාර හා දුෂ්මන්ත චමීර එක් කඩුල්ල බැඟින් බිඳ හෙළීමට සමත් විය.
ඒ අනුව තරගයේ පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 14.4 අවසානයේ කඩුලු 4 ක් දැවී සිටියදී සිය ජයග්‍රාහී ඉලක්කය පසුකර යාමට සමත් කම් දැක්වීය.
මේ අතර ශ්‍රී ලංකා කණ්ඩායම වෙනුවෙන් නොදැවී විශිෂ්ට ලෙස පන්දුවට පහර දුන් පැතුම් නිස්සංක ලකුණු 50 ක් හා කමිල් මිෂාර ලකුණු 46 ක් රැස් කරන ලදී.
