2025 – 2026 මූල්‍ය වර්ෂයේ මුල් මාස 5 තුළ ශ්‍රී ලංකන් ගුවන් සේවයේ මගී ආදායම 10%කින් ඉහළ ගොස් ඇති බව වාර්තා වේ.
එසේම, මගීන් සංඛ්‍යාව 22% කින්ද, ධාරිතාව 10% කින්ද වර්ධනය වී ඇති බව එම ගුවන් සේවය නිවේදනය කරයි.
එමෙන්ම මෙම වසරේ ගතවූ කාලය දක්වා කාලානුගතිකත්ව කාර්ය සාධනය 74% ක් දක්වා ඉහළ ගොස් ඇති බව එම ශ්‍රී ලන්කන් ගුවන් සේවය ප්‍රකාශ කරන අතර එය පසුගිය වසරේ දැක්වුණේ 69% ක් ලෙසිනි.
ඊට අමතරව, එන්ජින් නොමැතිවීම හේතුවෙන් දීර්ඝ කාලයක් තිස්සේ මෙහෙයුම්වලින් ඉවත් කර තිබූ ගුවන් යානා දෙකක් නැවත සේවයට එක් කර ඇති බවත් ලබන වසර මුලදී තවත් ගුවන් යානයක් එලෙස නැවත සේවයට එක්වීමට නියමිත බව ශ්‍රී ලංකන් ගුවන් සේවය නිවේදනය කරයි..
