2014 වසරේ දෙසැම්බර් මස ගංවතුර ආධාර සපයන බව සඳහන් කරමින් අනීතික ලෙස තෙල් නීතිගත සංස්ථාවට අයත් රුපියල් ලක්ෂ 61කට අධික මුදලක් වැය කරමින් ඒ හරහා රජයේ මුදල් සාවද්ය පරිහරණය කිරීම ඇතුළු චෝදනා යටතේ හිටපු ඛනිජතෙල් විෂය භාර අමාත්ය අනුර ප්රියදර්ශන යාපා, ඔහුගේ බිරිඳ ඇතුළු විත්තිකරුවන් හය දෙනෙකුට එරෙහිව කොළඹ මහාධිකරණය හමුවේ අද (01) සංශෝධිත අධිචෝදනා පත්ර භාර දී ඇත.
නීතිපතිවරයා විසින් ගොනුකර තිබූ එම සංශෝධිත අධිචෝදනා පත්ර කොළඹ මහාධිකරණ විනිසුරු උදේශ් රණතුංග ඉදිරියේ භාරදී ඇත.
සංශෝධිත අධිචෝදනා පත්රය යටතේ මෙම නඩුවේ තවත් විත්තිකරුවෙකු ලෙස හිටපු ඇමතිවරයාගේ සම්බන්ධීකරණ ලේකම්වරයෙකු වශයෙන් කටයුතු කළ අනුර සෙනෙවිරත්න නමැත්තෙකු නම් කරන බවත් පැමිණිල්ල විසින් අධිකරණයට දැනුම් දී ඇත.
එම විත්තිකරුට අදාළ චෝදනා භාරදීම සඳහා මෙම නඩුව යළි ඔක්තෝම්බර් මස 29 වනදා කැඳවන ලෙසත් විනිසුරුවරයා නියම කර ඇත.
