මනුෂ නානායක්කාර අත්අඩංගුවට ගැනිමට ගුවන්තොටුපල වෙත යාම පළිගැනීමක් නොව නීත්‍යානුකූල හේතු මත පදනම් වූ ක්‍රියාවක් බව අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් රංග දිසානායක පවසයි.
ප්‍රවෘත්ති සාකච්ඡාවකදී ඔහු කියා සිටියේ, මෙම දිගු විමර්ශනයේදී සාක්ෂි සොයාගැනීමට අත්අඩංගුවට ගැනීම අවශ්‍ය වූ බවයි.
“මේ කොමිසමේ විමර්ශනයන් පැවැත්වීමට අධ්‍යක්ෂ ජෙනරාල්ට නියම කළාම මෙහෙයවීමයි මා කරන්නේ. ඔබ දැකලා තියෙනවාද මා එන්න කලින් දූෂණය කියන වරදට කෙනෙක් අත්අඩංගුවට ගන්නවා? දෙසීයක අල්ලසට අත්අඩංගුවට ගන්නවා. හැබැයි දූෂණය කියන වරද සම්බන්ධයෙන් විශාල වැරදි කරපු අය අත්අඩංගුවට ගත්තේ නෑ” යනුවෙන් ඔහු වැඩිදුරටත් පවසා ඇත.
තවද මනූෂ නානායක්කාර අත්අඩංගුවට ගැනීමට හේතු වූ විශේෂිත හේතුවක් පවතින බව අධ්‍යක්ෂ ජනරාල්වරයා තහවුරු කර ඇත.
එහිදී අධ්‍යක්ෂ ජනරාල්වරයා කියා සිටියේ, සිද්ධියට සම්බන්ධ සමහර නිලධාරීන් ලේකම්වරු එක් ප්‍රකාශයක් පවසන අතර, අමාත්‍යවරයා තවත් ප්‍රකාශයක් පවසන බැවින් කිසිවෙකු වගකීම නොගන්නා තත්ත්වයක් පවතින බවයි.
ඔහුව අත්අඩංගුවට ගෙන විමර්ශන කිරීම තුළින් සාක්ෂි සොයාගැනීමට හේතුවක් තිබෙන බවද රංග දිසානායක වැඩිදුරටත් පවසයි.
කොමිසම මුලින් අපේක්ෂා කළේ නානායක්කාරට ප්‍රකාශයක් දීමෙන් පසු අත්අඩංගුවට ගැනීමට බවත් හා කොමිසමට නියමිතව තිබුණේ නානායක්කාරට ප්‍රකාශයක් ලබා දීමට අවස්ථාවක් ලබා දීමෙන් පසුව අත්අඩංගුවට ගැනීම බව ඔහු තවදුරටත් පවසා ඇත.
