බිබිල බස් නැවතුම්පොළේදී පෙරේදා දින (10) දහවල් බීමත්ව කලහකාරී ආකාරයට හැසිරෙමින් දස හැවිරිදි දැරියක සිප වැළඳගත් බව කියන පොලිස් සැරයන්වරයකු පිළිබඳ පුවතක් වාර්තා විය.
ඒ අනුව අදාල පොලිස් සැරයන්වරයා රුපියල් ලක්ෂ තුන බැගින් වූ ශරීර ඇප තුනක් මත මුදාහැරීමට බිබිල මහේස්ත්‍රාත් ත්‍යාගා සිල්වා නියෝග කර තිබේ.
එසේ ඇප මත මුදා හැරුණේ කන්දකැටිය පොලිස් ස්ථානයට අනුයුක්තව සේවය කරන මහියංගනය රිදීමාලියද්ද පදිංචි පොලිස් සැරයන්වරයෙක් බව සඳහන් වේ.
එසේම ඔහුව බිබිල පොලීසිය මඟින් අත්අඩංගුවට ගෙන අධිකරණයට ඉදිරිපත් කර තිබුණේ බීමත්ව අශෝභන ලෙස කලහකාරී ලෙස හැසිරීම, දස හැවිරිදි දැරියකට ලිංගික අතවර කිරීම යන චෝදනා යට‍තේයි.
