සංවිධානාත්මක අපරාධ කල්ලි සාමාජිකයෙකු වූ ගණේමුල්ල සංජීව ඝාතන සිද්ධිය සම්බන්ධයෙන් අත්අඩංගුවට ගත් ඉෂාරා සෙව්වන්දි හෙට (16) දිවයිනට රැගෙන ඒමට නියමිතව බව පොලිස් ආරංචි මාර්ග පවසයි.
පොලිස් ආරංචි මාර්ග තවදුරටත් සඳහන් කළේ, ඇය ඇතුළුව අත්අඩංගුවට ගත් සැකකරුවන් 6 දෙනා දිවයිනට රැගෙන ඒමට නිලධාරීන් කණ්ඩායමක් දිවයිනෙන් පිටත්ව ගොස් ඇති බවයි.
අපරාධ පරීක්ෂණ දෙපාර්තමේන්තුව, කොළඹ අපරාධ කොට්ඨාසය හා නේපාල පොලිසිය එක්ව ක්‍රියාත්මක කළ මෙහෙයුමකින් මෙම සැකකරුවන් 6 දෙනා ඊයේ (14) නේපාලයේදී අත්අඩංගුවට ගෙන තිබිණි.
මෙලෙස අත්අඩංගුවට ගෙන ඇත්තේ, ඉෂාරා සෙව්වන්දිට රැකවරණය දුන් තවත් සැකකරුවන් පස් දෙනෙක් ය.
ගණේමුල්ල සංජීව නමැති සංවිධානාත්මක අපරාධකරු ඉකුත් පෙබරවාරි මස 19 වන දා කොළඹ මහේස්ත්‍රාත් අධිකරණයේදී වෙඩි තබා ඝාතනය කෙරිණි.
