රුපියල් ලක්‍ෂ හැත්තෑවකට අලෙවි කිරීම සඳහා දඹුල්ලට රැගෙන විත් තිබූ ගජ මුතු දෙකක් සමඟ සැකකරුවෙකු ඊයේ (20) සැකපිට අත්අඩංගුවට ගත් බව දඹුල්ල පොලිසිය කියයි.
හමුදා බුද්ධි අංශ සහ පොලිස් විශේෂ කාර්යාංශය නිලධාරින්ගේ තොරතුරක් මත , දඹුල්ල පොලිසියේ දූෂණ මර්දන අංශයේ නිලධාරීන් ගැනුම්කරුවන් ලෙස වෙස් වළාගෙන දඹුල්ල පැල්වෙහෙර රන්දෙණිය වැව ආසන්නයේදී සැකකරු ගජ මුතු දෙකත් සමඟ මෙම සැකකරු අඩංගුවට ගෙන තිබේ
මෙසේ අත් අඩංගුවට ගෙන ඇත්තේ සංචාරක රියදුරෙකු ලෙස සේවය කරන තලංගම ප්‍රදේශයේ පදිංචිකරුවෙකු බව පොලිසිය පවසයි.
මෙම ගජමුතු වීදේශගතව සිටින ඥාතියෙකු හරහා තමන්ට ලැබුණු බවත් ඔහු පොලිසියට ප්‍රකාශ කොට තිබේ.
කෙසේ වෙතත් මෙම සැකකරු මෙවැනි ජාවාරම්වලට මීට පෙර සම්බන්ධතා පවත්වාගෙන ගොස් ඇත්ද යන්න මෙන්ම මෙම ගජමුතු ඔහුට ලැබුණු ආකාරය පිළිබඳව තවදුරටත් ප්‍රශ්න කරමින් සිටින බව පොලිසිය සඳහන් කළේය.
දඹුල්ල මූලස්ථාන පොලිස් පරීක්ෂක සුගත් බණ්ඩාර විජේසුන්දරගේ උපදෙස් පරිදි දූෂණ මර්දන අංශයේ ස්ථානාධිපති උප පොලිස් පරීක්ෂක ටී. එම්. එන්.ජී .ජී . තෙන්නකෝන් ඇතුළු පොලිස් කණ්ඩායමක් පරීක්ෂණ පවත්වයි.
