ඊයේ (20) රාත්‍රියේ සිට ඇදහැලුණු අධික වර්ෂාව හේතුවෙන් ගාල්ල නගරයේ පහත් බිම් රැසක් ජලයෙන් යට වී ඇති බව වාර්තා වේ.
ඒ අනුව, මොරගොඩ ඇළ පිටාර ගැලීම නිසා දංගෙදර මොරගොඩ ප්‍රදේශයේ නිවාස සියයකට අධික සංඛ්‍යාවක් ජලයෙන් යට වී ඇතැයි අප වාර්තාකරු සඳහන් කළේ ය.
අද (21) පෙරවරුව වන විට ගාල්ල දිස්ත්‍රික්කයේ ප්‍රාදේශීය ලේකම් කොට්ඨාශ 22ක පවුල් 944ක පුද්ගලයන් 3307 පීඩාවට පත් වී ඇතැයි දිස්ත්‍රික් ලේකම් කාර්යාලය පවසයි.
මේ හේතුවෙන් නිවාස අර්ධ හානි නිවාස 07 වාර්තා වී ඇත.
පියදිගම සුදර්ශනාරාමයේ සුරක්ෂා මධ්‍යස්ථාන 01ක පවුල් 60ක් රඳවා සිටින බවද දිස්ත්‍රික් ලේකම් කාර්යාලය වැඩිදුරටත් සඳහන් කරයි.
