වර්තමානයේ තරුණ කාන්තාවන් මුහුණ දෙන ප්‍රධාන ගැටලුවක් වන දරු ඵල ප්‍රමාද වීමේ ගැටලුවට නවීන වෛද්‍ය විද්‍යානුකූල තාක්ෂණයන් සමඟ අද වන විට සාර්ථක විසඳුම් රැසක් ලැබෙමින් පවතී.
මේ අතර එම කාන්තාවන්ට සුබ ආරංචියක් ගෙනදෙමින් කොළඹ කාසල් වීදියේ ශුක්‍රාණු බැංකුවෙන් ශුක්‍රාණු ලබා ගත් කාන්තාවන් දස දෙනෙකු ගැබ් ගෙන ඇති බව වාර්තා වේ.
මේ අනුව මෙම ව්‍යාපෘතිය ඉහළ සාර්ථකත්වයක් පෙන්නුම් කර ඇතැයි රෝහලේ අධ්‍යක්ෂ වෛද්‍ය අජිත් දන්තනාරායන පවසයි.
එසේම මෙම ශුක්‍රාණු බැංකුව සඳහා ශුක්‍රාණු ලබාදීමට විවිධ ප්‍රදේශවලින් දායකයන් විශාල වශයෙන් ඉදිරිපත්ව සිටින බවත් කාසල් රෝහලට පැමිණ ඒ සම්බන්ධයෙන් වැඩිදුර තොරතුරු දැන ගත හැකි බවත් හෙතෙම සඳහන් කරයි.
