‘කෙහෙල්බද්දර පද්මේ’ නමැත්තා සම්බන්ධයෙන් සමාජ මාධ්‍ය හරහා තමාට එල්ල වන චෝදනා පිළිබඳව රංගන ශිල්පිනී ගයාත්‍රී ඩයස් සිය ෆේස්බුක් ගිණුමෙහි සටහනක් පළ කර තිබේ.
තමන්ට එල්ල වන දැඩි සමාජ විවේචන සහ චෝදනා පිළිබදව ඇය පවසන්නේ තමන් වරදකරුවකු වනවා නම් ඒ එකම වරද තමන් කලාකාරිනියක වීම නිසා පමණක් බවයි.
කාන්තාවක් ලෙස තමන් විඳින වේදනාව සහ සමාජයේ “ෂරියා නීතිය” මෙන් ක්‍රියාත්මක වන විනිශ්චයන් පිළිබඳව ඇය එම සටහනෙන් කණගාටුව ප්‍රකාශ කොට ඇත.
එම ෆේස්බුක් සටහන පහතින්,
“පෙර ආත්මය ගැන මතකයක් නැතත්,එ හැම ආත්මයක්ම මේ ගෙවන ආත්මයට වඩා දුක්බර ඇති. වේදනාකාරී ඇති.
පෙර පවි අනුව මෙි ගෙවන කාලයත් ගෙවන්නේ ඉතාම අසීරු ලෙස වුවත් ජීවිතය හැරදායාමට නොහැකිය.
දෛවය මොන ආකාරයට සලකනවාද යන්න නොතේරෙයි.
නිදි නැති රැයවල් තව කීයක් ගත කරන්න නියමිත ද යන්න නොදනී.
මා නිවැරදි හෝ වැරදිකරුවෙකුද යන්න මාද සොයමි.
කෙසේ හෝ සමාජය සරියා නීතිය පාවිච්චි කරමින් ගල් ගසමින් මා මරා දමමින් සිටි.
කුඩා කල සිට මා විධි වේදනාවන්,තනිකම,තවමත් නිම වී නොමැත.
මෙි ජිවිතයේ ආරම්භයත් අවසානයත් අතර ගලා යන රුධිරයේ රශ්නයට මට නින්ද නොයයි.
මා වැරදිකරුවෙකු නම් ඒ මා කලාකාරිනියක වීමයි..“
මේ අතර ‘කෙහෙල්බද්දර පද්මේ’ සමඟ සබඳතා පැවැත්වූ බවට චෝදනා එල්ල වූ රංගන ශිල්පිනී ශ්‍රීමාලි ෆොන්සේකා ඊයේ (27) අපරාධ පරීක්ෂණ දෙපාර්තමේන්තුවට කැඳවා තිබු අතර එහිදී මාධ්‍ය වෙත අදහස් දක්වමින් ඇය තමන්ට එල්ලවන මෙම සියලු චෝදනා තරයේ ප්‍රතික්ෂේප කලාය.
එමෙන්ම කෙහෙල්බද්දර පද්මේ අතර ඇති සබදතාවයක් පිළිබදව සමාජ මාධ්‍ය තුළ සිදුවන චෝදනා සම්පූර්ණයෙන්ම ප්‍රතික්ෂේප කරන බවට රංගන ශිල්පිනී හේෂානි ලියදිපිටද සමාජ මාධ්‍යයට වීඩියෝවක් නිකුත් කරමින් පවසා තිබුණි.
ඇය සඳහන් කරන්නේ රංගන ශිල්පිනියක් ලෙස යම් යම් ප්‍රසිද්ධ ස්ථානයන්හීදී විවිධ පුද්ගලයින් මුණගැසුනද ඔවුන් සියලු දෙනාම කවුරුන්දැයි පුද්ගලිකව තමන් හඳුනන්නේ නැති බවයි.
