පාර්ලිමේන්තු මන්ත්‍රීවරුන්ගේ ආරක්ෂාව සම්බන්ධයෙන් සාකච්ඡා කිරීම සඳහා පොලිස්පති ප්‍රියන්ත වීරසූරිය පාර්ලිමේන්තුවට කැඳවන ලෙස විපක්ෂය කථානායක ජගත් වික්‍රමරත්නගෙන් ඉල්ලීමක් සිදුකර තිබේ.
මාධ්‍යය කළ විමසීමකදී විපක්ෂයේ ප්‍රධාන සංවිධායක ගයන්ත කරුණාතිලක පවසන්නේ මන්ත්‍රීවරුන්ගේ ආරක්ෂාව සම්බන්ධ ගැටළු විසඳීම සඳහා පොලිස්පතිවරයා සමග රැස්වීමක් සංවිධාන කරන ලෙස විපක්ෂය කථානායකවරයාගෙන් ඉල්ලා සිටි බවයි.
පසුගිය සඳුදා දිනයේ අදාළ ඉල්ලීම සිදු කර තිබේ.
කෙසේවෙතත් මේ දිනවල කථානායකවරයා විදෙස් සංචාරයක නිරතව සිටින අතර අදාළ ලිපිය කථානායක කාර්යාලය මගින් මහජන ආරක්ෂක අමාත්‍යංශය වෙත යොමුකර ඇති බවද ගයන්ත කරුණාතිලක පවසයි.
ඒ අනුව මහජන ආරක්ෂක අමාත්‍යංශය විසින් දිනයක් ලබාදෙනු ඇති බවට විශ්වාසය පළකරන බව මන්ත්‍රීවරයා වැඩි දුරටත් පවසයි.
