රුපියල් මිලියන 150ක් වටිනා ඉඩමකට ව්‍යාජ ලේඛණ සකස් කර දේපල අත්පත් කර ගැනීම සම්බන්ධව අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශ 03 මඟින් විමර්ශන ආරම්භ කර තිබේ.
අදාළ සිද්ධියට සම්බන්ධ සැකකාර කාන්තාව අන්අයෙකු ලෙස පෙනී සිටිමින් ව්‍යාජ ඔප්පුවෙහි අත්සන් කර ඇති අතර මෙම සැකකාර කාන්තාව පොලීසිය මඟහරිමින් සැඟව සිටින බව පොලීසිය පවසයි.
පොලීසිය පවසන්නේ ඇය පදිංචිව සිටින ස්ථානයක් සම්බන්ධයෙන් මෙතෙක් තොරතුරු අනාවරණය වී නොමැති බවය.
සැකකාරියගේ ඡායාරූපයක් පොලීසිය විසින් මාධ්‍ය වෙත යොමු කර අතර සැකකාරිය සම්බන්ධයෙන් යම් තොරතුරක් වෙතොත් පහත සඳහන් දුරකථන අංක වෙත දැනුම් දෙන ලෙස පොලීසිය මහජනතාවගෙන් ඉල්ලයි.
දුරකතන අංක –
වාණිජ අපරාධ විමර්ශන 03 අංශය – 011 – 2434504
මෙහෙයුම් මැදිරිය – 011 – 2422176
(අපරාධ පරීක්ෂණ දෙපාර්තමේන්තුව)
