පොලිස්පතිවරයාගේ පැමිණිල්ලක් මත වැල්ලවාය මහේස්ත්‍රාත් මංජුල රත්නායකගේ අද සිට(30) වැඩ තහනම් කර ඇතැයි වාර්තා වේ.
ඔහුගේ නඩු තීන්දු කිහිපයක් පිළිබඳ පොලිස්පතිවරයා විසින් අගවිනිසුරුවරයා වෙත කරන ලද පැමිණිල්ලක් මත අධිකරණ සේවා කොමිෂන් සභාව සිදුකරන විමර්ශනයක් මෙම වැඩ තහනම් කිරීමට පාදක වී තිබේ.
විදේශ ගමන් තහනම් ඉවත් කිරීම්, නඩුවලට ඉදිරිපත් වූ භාණ්ඩ නිදහස් කිරීම් යනාදියේදී සිදුව ඇතැයි කියන විෂමාචාර පිලිබඳ එම විමර්ශනය සිදු කර ඇත.
කොළඹ මහේස්ත්‍රාත් අධිකරණයේ සේවය කළ මහේස්ත්‍රාත්වරයෙකු වන මංජුල රත්නායක වැල්ලවායට මාරුවීම් ලබා සිටි අතර ඔහු ඇතුළු මහේස්ත්‍රාත්වරුන් කොළඹ සිට දුර බැහැර පළාත්වලට මාරු කිරීම පිළිබඳ පසුගියදා පාර්ලිමේන්තු මන්ත්‍රීවරුන් දැඩි විවේචන අධිකරණ සේවා කොමිෂන් සභාව වෙත එල්ල කර තිබුණි.
