අතිශය මතභේදාත්මක ක්‍රියාවලියක් හරහා ඩීසල් ක්‍රියාකාරී ද්විත්වකාර්ය නව ඩබල් කැබ් රථ 1775ක් මිලදී ගැනීමට වන සූදානම පිළිබඳව රජය වහාම මහජනතාවට පැහැදිලි කිරීමක් සිදු කලයුතු බව හිටපු පාර්ලිමේන්තු මන්ත්‍රී සහ පොදු ව්‍යාපාර කමිටුවේ (COPE) හිටපු සභාපති චරිත හේරත් ද අයිලන්ඩ් පුවත්පතට පවසා ඇත.
මෙම මතභේදාත්මක ප්‍රසම්පාදන ක්‍රියාවලියේ ප්‍රතිලාභීන් කවුරුන්ද යන්න සහ මුදල්, සැලසුම් සහ ආර්ථික සංවර්ධන අමාත්‍යාංශය ලංසුකරුවන් සඳහා ලබා දී තිබු කාලය දින 12 කට (ඔක්තෝබර් 23 සිට නොවැම්බර් 03 දක්වා) සීමා කළේ මන්දැයි රජය වහාම හෙළි කළ යුතු බව මෙහිදී ඔහු සදහන් කරයි.
වාහන මිලදී ගැනීම් සඳහා මෙතරම් විශාල ටෙන්ඩරයක් ඉදිරිපත් කළ අවස්ථාවක් මීට පෙර කිසිදා නොතිබූ බවත් මෙම ක්‍රියාවලියම සැක සහිත ස්ථාන කිහිපයකින් සමන්විත බව ඔහු පෙන්වා දේ.
ජාත්‍යන්තර මූල්‍ය අරමුදලෙන් (IMF) ඇමරිකානු ඩොලර් බිලියන 2.9 පැකේජයේ කොටසක් ලෙස, දූෂණ විරෝධී ක්‍රියාමාර්ග ශක්තිමත් කිරීම සඳහා රට මත එල්ල කරවන දැඩි පීඩනය හමුවේ මෙම ගනුදෙනුව දෙස ඇස් පියාගෙන සිටිය නොහැකි බව ද අයිලන්ඩ් පුවත්පතේ විමසීම්වලට පිළිතුරු දෙමින් හේරත් සඳහන් කර තිබේ.
ජනාධිපති අනුර කුමාර දිසානායක මුදල් අමාත්‍යාංශයේ ප්‍රධානියා වන අතර, මුදල් අමාත්‍යාංශයේ ලේකම් ආචාර්ය හර්ෂණ සූරියප්පෙරුමද මහින්ද සිරිවර්ධනගෙන් පසු එම ධුරයෙන් පත්වීම් ලැබීමට පෙර පාර්ලිමේන්තුවේදී ජාතික ජන බලවේගය නියෝජනය කරනු ලැබීය.
මන්ත්‍රීවරුන් මෙන්ම පළාත් පාලන ආයතන ප්‍රධානීන්ද මෙම කැබ් රථ ලබාගන්නා ප්‍රතිලාභීන් අතර සිටීදැයි තවමත් නොදන්නා බවද මෙහිදී ඔහු සදහන් කරයි.
යම් ඉලක්ක ගත ලංසුකරුවෙකුට පහසුකම් සැලසෙන ආකාරයෙන් ටෙන්ඩරය සකස් කිරීමේ හැකියාව මෙම අත්තනෝමතික ක්‍රියාවලිය දෙස බැලීමේදී බැහැර කළ නොහැකි බව පවසන හිටපු කෝප් සභාපතිවරයා, පසුගිය දශක කිහිපය තුළ සිදුවෙමින් පැවති අල්ලස් හා දුෂණ වංචා නැවත සිදු කිරීමට ජාතික ජනබලවේග ආණ්ඩුවට නොහැකි බව මෙහිදී අවධාරණය කර තිබේ.
මෙම වසරේ ජනවාරි මාසයේදී කොළඹ වරායෙන් බහාලුම් 323 ක් නීති විරෝධී ලෙස මුදා හැරීම සම්බන්ධයෙන් පවතින මතභේදය තරම්ම මෙම ගැටළුව ද ඉදිරියේ දී රජයට අනිසි ප්‍රතිපල ගෙන දෙනු ඇති බවට ඔහු රජයට අනතුරු අඟවයි.
බදු ගෙවියයුත්තන් වෙනුවෙන් අතිවිශාල වියදමක් දරා මෙතරම් වාහන ප්‍රමාණයක් ආනයනය කිරීමට රජය තීරණය කළේ ඇයි සහ පසුගිය රජයන් යටතේ භාවිතා කළ වාහන කඩිමුඩියේ වෙන්දේසි කළේ ඇයිද යන්නත් රජය පැහැදිලි කළ යුතු බව හිටපු ප්‍රතිපත්ති සම්පාදකයෙකු ලෙස චරිත හේරත් මෙහිදී විමසා සිටියි.
පාර්ලිමේන්තුවේ විපක්ෂය නියෝජනය කරන පිරිස් මෙම ගැටලුව දැඩි ලෙස මතු කර ද්විත්ව කැබ් ටෙන්ඩරය පිළිබඳව රජය නැවත සිතා බැලීමේ මාර්ගයට ප්‍රවේශ කරවා ගැනීම සඳහා වග බලා ගත යුතු බව ද ඔහු මෙහිදී වැඩි දුරටත් අවධාරණ කර තිබේ.
