ගණේමුල්ල සංජීව ඝාතන සිද්ධියට ආධාර අනුබල දුන් බවට සැකපිට අත්අඩංගුවට ගෙන සිටින නීතිඥවරිය තවදුරටත් දින 90ක කාලයක් රඳවා තබා ගැනීම සඳහා රැඳවුම් නියෝග ලබා ගැනීමට අපේක්ෂා කරන බව අපරාධ පරීක්ෂණ දෙපාර්තමේන්තුව අද (31) කොළඹ මහේස්ත්‍රාත් අධිකරණයට දැනුම් දී තිබේ.
පැය 72ක කාලයක් රඳවාගෙන සිටින මෙම නීතිඥවරිය සම්බන්ධයෙන් අපරාධ පරීක්ෂණ දෙපාර්තමේන්තුවේ නිලධාරියා මෙම දැනුම්දීම සිදු කළේ කොළඹ ප්‍රධාන මහේස්ත්‍රාත් අසංක එස්. බෝදරගම ඉදිරියේ කරුණු දැක්වූ අවස්ථාවේදීයි.
මෙම සිද්ධියේ ප්‍රධාන සැකකරුවෙකු වන කෙහෙල්බද්දර පද්මේ සම්බන්ධයෙන් සිදු කළ විමර්ශන පිළිබඳව කරුණු දැක්වීමේදී, අපරාධ පරීක්ෂණ දෙපාර්තමේන්තුව විසින් නීතිඥවරිය සම්බන්ධයෙන් වන මෙම ඉල්ලීම අධිකරණයට ඉදිරිපත් කර ඇත.
