දැදුරු ඔයේ දිය නෑමට ගොස් සිටියදී ඊයේ (05) පස්වරුවේ දියේ ගිලී මියගිය සංඛ්‍යාව 05ක් දක්වා ඉහළ ගොස් ඇති බව වාර්තා වේ.
කිරිබත්ගොඩ සිට හලාවත ප්‍රදේශයේ විනෝද චාරිකාවකට පැමිණි 10 දෙනෙකුගෙන් යුත් පිරිසකගෙන් පස් දෙනෙකු මෙලෙස දියේ ගිලී මරණයට පත්ව ඇත.
අදාළ තරුණයින් පිරිස දියේ ගිලීමත් සමග ප්‍රදේශවාසීන් ඔවුන් බේරාගැනීමට දැඩි උත්සාහයක නිරත වූවත් එම අවස්ථාවේදී ඔවුන්ට සොයාගැනීමට හැකිව තිබුණේ එක් තරුණයකු පමණි.
ඔහුව කඩිනමින් හලාවත මහ රෝහලට ගෙන ගියද ඔහු ඒ වන විට මියගොස් තිබුණි.
දියේ ගිලී අතුරුදන්ව සිටි අනෙක් තරුණයින් සිව්දෙනාගේ මළ සිරුරු ඊයේ පස්වරුවේ හලාවත පොලීසිය, පොලිස් ජීවිතාරක්ෂක ඒකකයේ නිලධාරීන්, නාවික හමුදාව හා ප්‍රදේශවාසීන් එක්ව සිදුකළ මෙහෙයුමකින් සොයාගෙන ඇත.
