බන්ධනාගාරගත වන රැඳවියන් රඳවා තබා ගැනිම සඳහා තාවකාලික රැඳවුම් මධ්‍යස්ථාන ඉදි කිරීමට සැලසුම් කර ඇති බව බන්ධනාගාර දෙපාර්තමේන්තුව පවසයි .
ඒ බන්ධනගාරගත වන පුද්ගලයන් සංඛ්‍යාව තවදුරටත් ඉහළයාම හේතුවෙනි.
දිවයින පුරා අඛණ්ඩව සිදුවන මත්ද්‍රව්‍ය වැටලීම් හේතුවෙන් මෙම තත්ත්වය මතුවී ඇති බව බන්ධනාගාර දෙපාර්තමේන්තුව සඳහන් කරයි.
ඒ අනුව දිවයින පුරා බන්ධනගාරවල රැදවිය හැකි රැඳවියන් සංඛ්‍යාව 10350ක් වන අතර මේ වන විට 37 000කට ආසන්න පිරිසක් බන්ධනාගාරවල රඳවා තිබෙන බව බන්ධනාගාර දෙපාර්තමේන්තුව පවසයි.
ඒ අතරින් වැඩි පිරිසක් 30 – 40 අතර වයස්වල පසුවන පුද්ගලයන් බවයි වාර්තා වන්නේ.
මේ අතර බූස්ස බන්ධනාගාරයේ පොලිස් විශේෂ කාර්ය බලකාය සිදු කළ මෙහෙයුමකදී ලොකු පැටී රඳවා සිටින කුටියේ තිබී ජංගම දුරකථනයක්ද සොයා ගෙන තිබේ.
