හෙරොයින් සමඟ අත්අඩංගුවට ගත් තික ජන බලවේග නාගරික මන්ත්‍රීවරියගේ සැමියා ලබන නොවැම්බර් මස 12 වන දින දක්වා රඳවාගෙන ප්‍රශ්න කිරීමට තඹුත්තේගම මහේස්ත්‍රාත් අධිකරණය විසින් පොලීසියට අවසර ලබා දී තිබේ.
විදුහල්පතිවරයා අද (06) පස්වරුවේ අනුරාධපුර පොලීසිය මඟින් තඹුත්තේගම මහේස්ත්‍රාත් අධිකරණයට ඉදිරිපත් කර තිබේ.
එහිදී අධිකරණය විසින් මෙම සැකකරු වැඩිදුර විමර්ශන කටයුතු සඳහා රඳවාගෙන ප්‍රශ්න කිරීම සඳහා අනුරාධපුර කොට්ඨාස අපරාධ විමර්ශන කාර්යාංශයට මෙලෙස නියෝග ලබා දී ඇත.
මේ අතර විදුහල්පතිවරයාගේ බිරිඳ වන මන්ත්‍රීනි දිස්නා නෙරංජලා මහා පරිමාණ මත්ද්‍රව්‍ය ජාවාරම්කරුවෙකු මෙන්ම අපරාධකරුවෙකු වන කොස්ගොඩ සුජීගේ ඥාතිවරියක බව පොලීසිය පවසයි.
හෙරොයින් සමඟ අත්අඩංගුවට ගත් රජයේ විදුහල්පතිවරයාගේ දේපළ සම්බන්ධයෙන් විශේෂ විමර්ශනයක් ආරම්භ කරන බවත් එහිදී කිලෝග්‍රෑම් එකයි ග්‍රෑම් 185 යි මිලිග්‍රෑම් 400 ක බරකින් යුත් හෙරොයින් තොගයක් අත්අඩංගුවට ගෙන ඇති අතර, එහි වටිනාකම රුපියල් කෝටි දෙකක් පමණ වන බව පොලීසිය තව දුරටත් පවසයි.
