අපරාධ කුමන්ත්‍රණයක් සම්බන්ධයෙන් වසර 5ක සිර දඬුවමක් නියම වී තිබියදී ඉන් සති 3ක් පමණක් සිරගතව සිටි හිටපු ප්‍රංශ ජනාධිපති Nicolas Sarkozy අභියාචනයක් අනූව මත මුදා හැර ඇති බව විදෙස් මාධ්‍ය වාර්තා කරයි.
වයස අවුරුදු 70ක් වන Nicolas Sarkozy නිදහස් කර ඇත්තේ දැඩි අධිකරණ අධීක්ෂණයට යටත්ව වන අතර, ඔහුට ප්‍රංශයෙන් පිටව යාම තහනම් කර ඇත.
අපරාධ කුමන්ත්‍රණයකට සහභාගී වීම සහ තම දේශපාලන කටයුතු සඳහා ලිබියාවෙන් නීති විරෝධී ලෙස අරමුදල් ලබා ගැනීම ඇතුළු කරුණු සම්බන්ධයෙන් ඔහුට චෝදනා එල්ල වී තිබුණි.
සාකෝසීගේ නීතිඥයන් විසින් මූලික තීන්දුවට එරෙහිව අභියාචනයක් ඉදිරිපත් කිරීමෙන් පසුව මෙම නිදහස් කිරීම සිදුව ඇති බව වාර්තා වේ.
ප්‍රංශයේ ප්‍රබලතම දේශපාලනඥයෙකු වන ඔහු, බලය අනිසි ලෙස භාවිතා කිරීම සම්බන්ධයෙන් චෝදනා ලබා සිර දඬුවම් ලැබූ පළමු ප්‍රංශ ජනාධිපතිවරයාද වේ.
