පාතාලයේ පිරිසක් රජයට භාර වීමට කැමති බවට තමන් ප්‍රකාශ නොකළ බව මහජන ආරක්ෂක අමාත්‍ය ආනන්ද විජේපාල පවසයි.
පාර්ලිමේන්තුවේදී මාධ්‍යවේදීන් ඇසූ ඔරශ්නයකට පිලිතුරු දෙමින් ඊයේ(11) ඔහු මේ බව පවසා ඇත.
‘මේ වෙනකොට පාතාලයේ පිරිසක් ලංකාවට එන්න කැමතියි කිව්වා. ඒකේ තියෙන අලුත්ම තත්වය?‘
“නෑ එහෙම එකක් නෙවෙයි තිබ්බේ. මත්ද්‍රව්‍ය ජාවාරම් කරන සමහර පිරිස් එහෙන් ඉවත් වෙන්න කැමතියි කියලා ප්‍රකාශ කරලා තියෙනවා කියන ප්‍රකාශය තමයි කළේ. ජාවාරම්වල ඉන්න අය එයින් ඉවත් වෙන්න උත්සාහ කරනවා නම් ඒක යහපත් තත්ත්වයක්.”
භාරවීමට කැමති බව ප්‍රකාශ කළේ තමන්ට ලැබෙන ආදායම අඩුවීම නිසාදැයි විමසූ විට ඇමතිවරයා මෙසේ පැවසීය.
‘ඒක ඉතින් ඒ පිරිස්වලින් තමා විමසන්න ඕනෑ. අපි මේ අරන් යන ව්‍යාපාරයට සියලුදෙනාගේ අවධානයට යොමුවෙලා තියෙනවා. ඔවුනුත් ඉවත් වෙන්න උත්සාහ කරනවා නම් ඒක යහපත් තත්වයක්‘
නමුත් ඔහු මීට පෙර මාධ්‍ය වෙත අදහස් දක්වමින් කියා සිටියේ මත්ද්‍රව්‍යය ජාවාරම් කරන කිහිපදෙනෙකු රජයට භාරවීමට කැමත්තෙන් සිටින බවයි.
‘මැදපෙරදිග පුද්ගලයෝ හත්දෙනෙක් මත්ද්‍රව්‍ය ජාවාරම් කරන අය සදහන් කළා. ඔවුන් කැමතියි කිව්වා රජයට යටත් වෙන්න. භාර වෙන්න. ඔවුන්ට සමාව දීලා ඒකෙන් ඉවත් වෙන්න ඔවුන් කැමතියි කිව්වා.‘
