ශ්‍රී ලංකා නිවාස සංවර්ධන මූල්‍ය සංස්ථා බැංකුව (Housing Development Finance Corporation Bank – HDFC Bank) සහ රාජ්‍ය උකස් හා ආයෝජන බැංකුව (State Mortgage & Investment Bank – SMIB) ප්‍රතිව්‍යුහගත කිරීමට කැබිනට් අනුමැතිය හිමිව ඇති බව වාර්තා වේ.
මෙම බැංකු දෙකටම කුඩා වෙළඳ පොළ කොටසක් සහිත කුඩා මූල්‍ය ආයතනයන් බවත් තැන්පතු රැස් කිරීමේ සීමිත ධාරිතාව, දුර්වල ලාභදායිත්වය, අවම ප්‍රාග්ධන ප්‍රමාණාත්මක අවශ්‍යතා සපුරාලිමට ඇති නොහැකියාව හේතුවෙන් ඒකි බැංකුවල වත්මන් ව්‍යාපාර ආකෘති තිරසර නොවන බව ශ්‍රී ලංකා මහ බැංකුව පෙන්වා දී තිබේ.
ඒ අනුව ශ්‍රී ලංකා නිවාස සංවර්ධන මූල්‍ය සංස්ථා බැංකුව සතු සියලුම රජය සතු කොටස් හිමිකම ලංකා බැංකුව වෙත අත්පත් කරගෙන ලංකා බැංකුවේ අනුබද්ධිත ආයතනයක් ලෙස මෙහෙයුම් කටයුතු පවත්වාගෙන යාමට නියමිතයි.
රාජ්‍ය උකස් හා ආයෝජන බැංකුවේ සියලු කොටස් මහජන බැංකුව වෙත අත්පත් කරගෙන ඒම බැංකුවේ අනුබද්ධිත ආයතනයක් ලෙස මෙහෙයුම් කටයුතු පවත්වාගෙන යාමටත් ජනපති අනුර කුමාර දිසානායක ඉදිරිපත් කළ කැබිනට් පත්‍රිකාවට මෙලෙස අනුමැතිය ලැබී තිබේ.
