මහනුවර, පහළ කඩුගන්නාව ප්‍රදේශයේ වෙළඳසැලක් මතට පස් කඳු කඩා වැටීමෙන් එක් පුද්ගලයෙකු මියගොස් ඇති බව වාර්තා වේ
මේ අතර සුන්බුන් අතර සිර වී සිටි පස්දෙනෙකු මුදාගෙන මේ වනවිට රෝහල් ගත කර ඇති බව සදහන් වේ.
ගනේතැන්න ප්‍රදේශයේ නුවර-කොළඹ ප්‍රධාන මාර්ගය අසල පිහිටි වෙළඳසැලක් මතට අද (22) උදෑසන මෙම පස් කඳු කඩා වැටීම සිදුව තිබුණි.
මේ හේතුවෙන් ප්‍රධාන මාර්ගයේ රථ වාහන ධාවනය එක් මංතීරුවකට සීමා වී ඇති අතර එම අනතුරින් එම වෙළඳසැලෙහි සිටි කිහිප දෙනෙකු තවමත් සුන්බුන් තුළ සිරවී සිටින බව වාර්තා වෙයි.
ආපදා කළමනාකරණ මධ්‍යස්ථානය සඳහන් කළේ ඔවුන් මුදා ගැනීම සඳහා මේ වනවිට මෙහෙයුම් ආරම්භ කර ඇති බවයි.
මෙම වෙළෙඳසැල කෙටි ආහාර සහ තේ පානය සඳහා බොහෝ පිරිසක් පැමිණෙන ස්ථානයක් බව වාර්තා වේ.
