රණවිරුවන්ගේ දෙමව්පියන් වෙත ගෙවන මව් පිය රැකවරණ දීමනාව අත්හිටුවා ඇති බවට පළව ඇති මාධ්‍ය වාර්තා අසත්‍ය බවත් එම දීමනාව ලබා දීම කිසිලෙසකින්වත් අත්හිටුවා නොමැති බවත් ආරක්ෂක නියෝජ්‍ය අමාත්‍ය විශ්‍රාමික මේජර් ජනරාල් අරුණ ජයසේකර අද (24) පාර්ලිමේන්තුවේදී පැවසීය.
ඒ අනුව ත්‍රිවිධ හමුදාව සහ රණවිරු සේවා අධිකාරිය මඟින් එම අදාළ ප්‍රතිලාභය ගෙවීමට කටයුතු කරන බව නියෝජ්‍ය අමාත්‍යවරයා සඳහන් කරයි.
එම දීමනාව ලබා ගැනීමේදී ප්‍රතිලාභියා ජීවත්ව සිටින බවට වසරකට දෙවරක් ජීවන සහතිකයක් ලබා ගන්න අතර මේ වන විට රණවිරු සේවා අධිකාරිය මඟින් සුදුසුකම් ලත් ප්‍රතිලාභීන් ගණන 32867 කි.
ජූනි මස අවසන් වන විට 17636ක ප්‍රතිලාභීන් සිටි අතර ජූලි සිට දෙවන අර්ධ වාර්ෂිකය වෙනුවෙන් ජීවන සහතිකය එවා ඇත්තේ 4727ක් වුවත් සානුකම්පිතව සලක බලා මුල් අර්ධ වර්ෂිකයේ සිටි සියලු ප්‍රතිලාභීන් වෙත දීමනාව ලබා දීමට කටයුතු ක‍ර ඇති බවද නියෝජ්‍ය අමාත්‍යවරයා කියා සිටියේය.
