ඇඹිලිපිටිය, මුල්ලගස්යාය ප්‍රදේශයේ 2011 වසරේදී පුද්ගලයෙකු කපා කොටා ඝාතනය කිරීමේ සිද්ධියට අදාළව ඇඹිලිපිටිය මහාධිකරණය අද (24) ඓතිහාසික තීන්දුවක් ප්‍රකාශයට පත් කරමින් එම අපරාධයට සම්බන්ධ වූ කාන්තාවන් තිදෙනෙකු ඇතුළු සැකකරුවන් දස දෙනෙකුට මරණ දඬුවම නියම කිරීමට මහාධිකරණය නියෝග කළේය.
2011 වසරේදී ඇඹිලිපිටිය, මුල්ලගස්යාය ප්‍රදේශයේ පදිංචි පුද්ගලයෙකු අමානුෂික ලෙස කපා කොටා ඝාතනය කිරීමේ සිද්ධියක් සම්බන්ධයෙන් මෙම නඩුව දීර්ඝ කාලයක් තිස්සේ විභාගයට ලක් වු අතර වසර 14කට පසු අද දින අවසන් වී ඇත.
ඇඹිලිපිටිය මහාධිකරණය විසින් මෙම අපරාධය සිදු කළ බවට චෝදනා ලැබූ සැකකරුවන් දස දෙනාට එරෙහි චෝදනා ඔප්පු වූ බවට තීන්දු කරනු ලැබ ඇති අතර විභාගය අවසානයේදී, නඩුවේ කරුණු සහ සාක්ෂි සියල්ල සලකා බැලීමෙන් පසු, අදාළ දස දෙනාට එරෙහිව මරණ දඬුවම නියම කිරීමට විනිසුරුවරයා නියෝග කර ඇත.
