පිරිමි පුද්ගලයකු සහ කාන්තාවක් ගමන් කරමින් සිටි මෝටර් රථයක් කොස්වත්ත පොලිස් වසමට අයත් නාරවිල බාදුරාව ප්‍රදේශයේ දී රත්මල්ඔයට පෙරළිමෙන් එම දෙදෙනා සිද්ධිය වූ ස්ථානයේදිම මිය ගොස් ඇති බව හලාවත කොස්වත්ත පොලිසිය පවසයි.
අද (26 ) පෙරවරු 8.30 ට පමණ මෙම අනතුර සිදුව ඇත.
මෙම අනතුරින් මිය ගොස් ඇත්තේ දුන්කන්නාව මානිංගල ප්‍රදේශයේ පදිංචිව සිටි චන්ද්‍රා නලින් කුමාරසිරි වික්‍රමසිංහ (38) හා දුන්කන්නාව බණ්ඩාරනායක පුර ප්‍රදේශයේ පදිංචි සිටි මිහිරි මහේෂිකා (41) යන අයයි.
මියගිය දෙදෙනා ගමන්ගත් මෝටර් රථය බාදුරාව ප්‍රධාන මාර්ගයෙන් රත්මල්ඹය පාලම අසලින් ඇති අතුරු මාර්ගය ඔස්සේ ගමන් කරමින් සිටියදී මෝටර් රථය මාර්ගය අසල වලකට වැටි එකවර අසල තිබු රත්මල්ඔයට උඩුකුරුව පෙරළි ගොස් ඇති බව පොලිසිය පවසයි.
එම අවස්ථාවේ සුළු වර්ෂාවක් පැවති අතර මඩ සහිත මාර්ගයේ මෝටර් රථය ලිස්සා ගොස් වලට වැටී අනතුර සිදු වන්නට ඇති බවට පොලිසිය සැක පළ කරයි.
මෝටර් රථය ඔයට පෙරළි යාමෙන් පසු වනාඩි 15 කට පමණ පසු ගම්වාසින් දැක එයට පැන මිියගිය දෙදෙනාගේ සිරුර දැඩි පරිශ්‍රමයක් යොදා ගොඩට ගෙන ඇති මුත් ඒ වන විටත් දෙදෙනාම මිය ගොස් සිට තිබේ.
මෘත දේහයන් පශ්චාත් මරණ පරික්ෂන කටයුතු සදහා මාරවිල මුලික රෝහලට රැගෙන ගොස් ඇත. එහිදි පශ්චාත් මරණ පරික්ෂණය පැවැත්විමට නියමිතව ඇත.
