දිවයිනට බලපා තිබෙන දරුණු ආපදා තත්ත්වය හේතුවෙන් මේ වන විට මහනුවර, බදුල්ල, අම්පාර යන දිස්ත්‍රික්කවල පමණක් පුද්ගල මරණ 90ක් වාර්තා වී ඇති බව දිස්ත්‍රික් ලේකම්වරු පවසයි.
මහනුවර දිස්ත්‍රික්කයේ පමණක් මේ වන විට පුද්ගල මරණ 50ක් වාර්තා වී ඇති බවත්, තවත් පුද්ගලයින් 67 දෙනෙකු අතුරුදන් වී ඇති බවත් දිස්ත්‍රික් ලේකම් ඉන්දික උඩවත්ත පවසයි.
මේ අතර බදුල්ල දිස්ත්‍රික්කයේ මේ වන විට පුද්ගල මරණ 35ක් වාර්තා වී ඇති අතර තවත් පුද්ගලයින් 28 දෙනෙකු අතුරුදන්වී ඇති බව බදුල්ල දිස්ත්‍රික් ලේකම්වරයා සඳහන් කරයි.
බදුල්ල දිස්ත්‍රිකක්යේ ඇතැම් ප්‍රදේශවල සිදුවූ ආපදා පිළිබඳව තොරතුරු ලබා ගැනීමට අසීරු වී ඇති බවද දිස්ත්‍රික් ලේකම්වරයා වැඩිදුරටත් පැවසීය.
මීට අමතරව අම්පාර දිස්ත්‍රික්කයේ පුද්ගල මරණ 05ක් වාර්තා වී ඇති බව දිස්ත්‍රික් ලේකම්වරයා සදහන් කරයි.
