ආපදා තත්ත්වය යටතේ කුමන බලපෑම් එල්ල වුවත් ජලයේ ගුණාත්මකභාවය පිළිබඳ කිසිදු ගැටලුවක් නොමැති බව ජාතික ජලසම්පාදන හා ජලාපවහන මණ්ඩලය පවසයි.
එම මණ්ඩලයේ සභාපති, චන්දන බණ්ඩාර පවසා සිටියේ මේ වනවිට ආපදා හේතුවෙන් බලපෑම් එල්ල වූ දිස්ත්රික්ක 21න් 13ක ජල සම්පාදන කටයුතු මේ වනවිට යථා තත්ත්වයට පත්කර ඇති බවයි.
පැවති අයහපත් කාලගුණ තත්ත්වය හේතුවෙන් දිවයින පුරා පැවති ජල පොම්පාගාර 343න් 156කට අර්ධ හෝ පුර්ණ හානි සිදුව ඇති බව ද චන්දන බණ්ඩාර පැවසීය.
අද (03) දිනය වනවිට බිඳවැටුණු ජල සම්පාදන ව්යාපෘති 159න් 139ක් යථා තත්ත්වයට පත්කර ඇති බවත් තවත් දිස්ත්රික්ක 8ක ජල සම්පාදන ව්යාපෘති 17ක් සකස් කිරීමට ඇති බවත් ඔහු කියා සිටියේය.
අදාළ ජල ව්යාපෘතිවලට ළඟාවීමට නොහැකි ලෙස මධ්යම, ඌව හා වයඹ පළාත් වල මාර්ග අවහිරතා සිදුව ඇති සහ විදුලි බලය ඇණහිට ඇති ස්ථානවල තවමත් ජල සැපයුම ලබාදීම අසිරු වී ඇති බවත් ඔහු වැඩිදුරටත් පැවසීය.
