දිවයින පුරා සියලුම ලේ බැංකුවලින් ලබා ගත හැකි රුධිර සංචිත ප්රමාණය වන රුධිර ඒකක 10000ක ප්රමාණය දින දෙකක් තුළදී සපුරා ගැනීමට හැකි වූ බව රුධිරපාරවිලයන මධ්යස්ථානයේ අධ්යක්ෂ වෛද්ය ලක්ෂ්මන් එදිරිසිංහ සඳහන් කරයි.
රට තුළ ඇති වූ හදිසි ආපදා ත්ත්තවය මත රුධිර සංචිතයක් එකතු කර ගැනීමට නොහැකි වු බැවින් රුධිරය අවශ්ය බවට ජනමාධ්ය මගින් කළ කෙටි දැනුම් දීමට අනුව විශාල පිරිසක් ස්වේච්ඡාවෙන් දිවයිනපුරා පිහිටා තිබෙන රුධිර එක්රැස් කිරීමේ මධ්යස්ථානයන් වෙත පැමිණ රුධිරය පරිත්යාගක කිරීමට කටයුතු කළ බව අධ්යක්ෂවරයා පවසා සිටියි.
රුධිර කඳවුරු සංවිධානය කිරිමට බොහෝ දෙනෙකු ඉදිරිපත් වී ඇති බැවින් ඉදිරි දිනවලදී විශාල ප්රමාණයේ රුධිර කඳවුරු සංවිධානය කිරීමට අවශ්ය නොවන බවද වෛද්ය එදිරිසිංහ පෙන්වාදේ.
ජාතික ආගම් භේදයකින තොරව රුධිර පරිත්යාග කිිමට ඉදිිරිපත් වු සියලුම ජනතාවට ස්තූතිවන්ත වන බව ද අධ්යක්ෂවරයා පවසා සිටියි.
