ගංවතුර සහ නායයෑම් හේතුවෙන් පීඩාවට පත් වූ පාසල් අධ්යාපනය ලබන සෑම සිසුවෙකු වෙනුවෙන්ම අධ්යාපන කටයුතු සඳහා ජනාධිපති අරමුදලෙන් රුපියල් 25,000ක් ලබාදීමට රජය තීරණය කර ඇති බව නිවේදනයක් නිකුත් කරමින් ජනාධිපති මාධ්ය අංශය සදහන් කරයි.
එමෙන්ම හදිසි ආපදා තත්ත්වය හේතුවෙන් මියගිය එක් අයකු වෙනුවෙන් රුපියල් ලක්ෂ 10 බැගින් ලබා දීමට ජනාධිපති අනුර කුමාර දිසානායක ජනාධිපති අරමුදලට උපදෙස් ලබා දී තිබුණි.
ඒ අනුව මියගිය අයගේ ඥාතීන් වෙත මෙම මුදල් කඩිනමින් ලබා දීමට ජනාධිපති අරමුදල සැලසුම් කර තිබේ.
මීට අමතරව ගං වතුරෙන් බලපෑමට ලක්ව ඇති නිවාස පිරිසිදු කිරීම සඳහා ලබාදීමට තීරණය කර තිබුණු රුපියල් 10,000 ක මුදල, රුපියල් 25,000 ක් දක්වා වැඩි කිරීමට තීරණය කර ඇත.
