සහල් හා පානීය ජල බෝතල් වැඩිමිලට අලෙවි කළ ව්යාපාරිකයින් දෙදෙනෙකුට එරෙහිව පාරිභෝගික කටයුතු අධිකාරිය නීතිමය පියවර ගෙන ඇති බව වාර්තා වේ.
රුපියල් 100 ක පානීය ජල බෝතලයක් රුපියල් 400 කට අලෙවි කළ බෙලිහුල්ඔය ආපන ශාලාවක හිමිකරුට එරෙහිව බලංගොඩ මහේස්ත්රාත් අධිකරණය විසින් රුපියල් මිලියනයක දඩමුදලක් මෙලෙස නියම කර ඇත.
එමෙන්ම සහල් වැඩි මිලට අලෙවි කළ කලගෙඩිහේනේ වෙළෙදසැල් හතරකට අත්තනගල්ල මහේස්ත්රාත් අධිකරණය මගින් රුපියල් ලක්ෂ දෙක බැගින් දඩ නියම කර ඇත.
මේ අතර, පාරිභෝගික කටයුතු පිළිබඳ අධිකාරිය කොස්ගම ප්රදේශයේ කළ වැටලීමකදී ලේබල් ඉවත් කළ සැමන් ටින් 2400 ක් සොයා ගෙන ඇති අතර ඒවායේ වෙළෙඳ පොළ වටිනාකම රුපියල් ලක්ෂ 16 කි.
එමෙන්ම අදාළ ව්යාපාරිකයාට එරෙහිව නීතිමය ක්රියාමාර්ග ගැනීමට නියමිත බව පාරිභෝගික කටයුතු අධිකාරිය සඳහන් කරයි.
