රටේ ඇති වී තිබෙන ආපදා තත්ත්වය හේතුවෙන්, බලපෑමට ලක් වූ පාසල් නැවත විවෘත කිරීම සඳහා නිශ්චිත දිනය අද (08) තීරණය කරන බව අධ්යාපන අමාත්යාංශයේ ලේකම් නාලක කළුවැව පවසයි.
අද අධ්යාපන අමාත්යාංශයේ (MOE) පැවැත්වෙන රැස්වීමේදී මෙම තීරණය ගන්නා බවයි ඔහු සදහන් කරන්නේ.
මේ සම්බන්ධයෙන්, ඔහු තවදුරටත් දැනුම් දුන්නේ රටේ පාසල් 500 කට වැඩි ප්රමාණයක් බලපෑමට ලක්ව ඇති අතර පාසල් සිසුන් 100,000 කට වැඩි පිරිසක් බලපෑමට ලක්ව ඇති බවයි.
නායයෑම් හේතුවෙන් මියගිය පාසල් සිසුන් සංඛ්යාව පිළිබඳ සංඛ්යාලේඛන තවමත් ලැබී නොමැති බවත්, බොහෝ සිසුන්ගේ සියලුම පාසල් පොත්, බෑග් සහ සපත්තු හානි වී ඇති බවත් බදුලෙයි, අනුරාධපුරය, පොළොන්නරුව, මහනුවර සහ අනෙකුත් ප්රදේශවල හානියට පත් සියලුම පාසල් මේ වන විට අලුත්වැඩියා කරමින් පවතින බවත් ඔහු පවසයි.
එමෙන්ම ආපදාවෙන් පීඩාවට පත් ප්රදේශවල පාසල් සිසුන්ගේ මානසික සුභසාධනය සඳහා විවිධ වැඩසටහන් ක්රියාත්මක කෙරෙන බවද සදහන් වේ.
කෙසේ නමුත් යුනිසෙෆ් සංවිධානය පවසා ඇත්තේ ටිට්වා සුළි කුණාටුවෙන් රටේ පාසල් දරුවන් 275,000 කට වැඩි පිරිසක් පීඩාවට පත්ව ඇති බවයි.
