බටහිර ලන්ඩනයේ 15 හැවිරිදි දැරියක් පැහැරගෙන යෑම, දූෂණය කිරීම සහ පහර දීම යන චෝදනා එල්ල වූ ශ්රී ලාංකික සංක්රමණිකයකු රක්ෂිත බන්ධනාගාරගත කර ඇති බව වාර්තා වේ.
රජයේ අරමුදල් සහිත සරණාගත හෝටලයක නවාතැන් ගෙන සිටින වයස අවුරුදු 20ක් වන යෂින් හිමසර, අයිල්වර්ත් ක්රවුන් උසාවිය ඉදිරියේ වීඩියෝ තාක්ෂණය හරහා පෙනී සිට ඇති අතර එහිදී සිංහල පරිවර්තකයකුගේ සහාය ඇතිව ඔහු අදහස් දක්වා ඇත.
එහිදී පැහැර ගැනීම, දූෂණය කිරීම, දරුවකු සමඟ ලිංගික ක්රියාකාරකම් සහ හිතාමතා ගෙල සිර කිරීම යන චෝදනා ඇතුළු චෝදනා ඔහුට එල්ල වු අතර ඔහු විසින් එකි චොදනා ප්රතික්ශේප කොට ඇත.
මෙම සිදුවීම නොවැම්බර් 1 වැනිදා බටහිර ලන්ඩනයේ ෆෙල්තම් හි සිදු වූ බවත්, එහිදී හිමසර සරණාගතයන් නවාතැන් ගැනීමට රජය විසින් භාවිත කරන ලද තරු තුනේ හෝටලයක් වන ශාන්ත ගයිල්ස් හෝටලයේ පදිංචිව සිටි බවත් පැමිණිලිකාර පාර්ශවය චෝදනා කර තිබේ.
විත්තිකරුගේ නීතිඥ බොසි ෂෙෆි අධිකරණයට දැනුම් දුන්නේ හිමසරට ඉන්ග්රිසි භාෂාව කතා කල නොහැකි හෙයින් නඩු විභාගය පුරාම පරිවර්තකයකු අවශ්ය වනු ඇති බවයි.
කෙසේ නමුත් කරුණු සලකා බැලූ විනිසුරු ක්වාමේ ඉන්යුන්ඩෝ විසින් හිමසර රක්ෂිත බන්ධනාගාරගත කිරීමට නියෝග කර ඇති අතර නඩුව යලි අප්රේල් 27 වැනිදා කැදවීමට නියමිතව ඇත.
