දිට්වා සුලි කුණාටුවෙන් නායයෑමට ලක් වූ නාවලපිටිය මහනුවර ප්රධාන මාර්ගය දින 18කට පසු රථවාහන ධාවනයට අද (15) උදෑසන 7:00 ට විවෘත කර තිබේ.
මාර්ගය අලුත්වැඩියා කිරීමේ කටයුතු මාර්ග සංවර්ධන අධිකාරිය 06 වන කාරක ඉංජිනේරු රෙජිමේන්තුව මාර්ග සංවර්ධන අධිකාරිය නාවලපිටිය හා ඇත්ගාල පොලිස් ස්ථාන, පස්භාගේ කෝරලේ ප්රාදේශීය සභාව නාවලපිටිය නගර ඇතුළු පාර්ශව කිහිපයක සහභාගීත්වයෙන් සිදුකෙරුණි.
නයායෑම නිසා මාර්ගයට වැඩී තිබූ පස් ඉවත් කර මාර්ගය සකස් කර ඇති අතර, මාර්ගයට ඉහලින් පස්කන්ද නායයාමේ අවදානමක් පවතින නිසා ඒ සඳහා ස්ථිර විසඳුමක් ලබා දෙනතුරු ආරක්ෂිතව ගමනාගමනයට හැකිවන ආකාරයෙන් මාර්ගයේ නිර්මාණය කර ඇති බවත්, මෙම ස්ථානයේ කටයුතු අවසන් වන තුරු සුපරීක්ෂාකාරී ලෙස මාර්ගයෙ රිය ධාවනය කරවන ලෙසත් මාර්ග සංවර්ධන අධිකාරිය රියදුරන්ගෙන් ඉල්ල සිටියි.
කෙසේ නමුත් මෙම මාර්ගයේ බර වාහන ධාවනයට යම් සීමා පනවා ඇත.
මාර්ගය විවෘත කිරිමේ අවස්ථාව සඳහා 06 වන කාරක ඉංජිනේරු රෙජිමේන්තුවේ බ්රිගේඩියර් කොඩිතුවක්කු, නාවලපිටිය නගරාධිපති අමල් ප්රියංකර, පස් බාගේ කෝරලේ සභාපති මංජුල කරුණාරත්න, ගඟ ඉහළ කෝරළයේ සභාපති ඉන්දික උපුල් ගුණසේකර මහතා ඇතුළු විශාල පිරිසක් සහභාගි වී සිටියහ.
