ඉකුත් 11 වන දින රාත්රියේ පාර්ලිමේන්තු මන්ත්රී අශෝක රන්වල පැදවූ ජීප් රථය සපුගස්කන්ද ප්රදේශයේදී රිය අනතුරට ලක්වීමේ සිද්ධිය සම්බන්ධයෙන් සපුගස්කන්ද පොලිස් ස්ථානාධිපති ප්රධාන පොලිස් පරීක්ෂක ඩබ්.ජී. සුරවීර සම්බන්ධයෙන්ද පරීක්ෂණයක් ආරම්භ කිරීමට කැළණිය කොට්ඨාස භාර ජ්යෙෂ්ඨ පොලිස් අධිකාරීවරයා පියවර ගෙන තිබේ.
ඒ අනුව ඔහුට එල්ල වන චෝදනාව නම් ස්ථානාධිපතිවරයා සැකකරුගේ බීමත් භාවය පරීක්ෂා කිරීම සඳහා බැලූන් පරීක්ෂාවක් සිදු නොකිරීමයි.
මේ සම්බන්ධයෙන් සපුගස්කන්ද පොලිසියෙන් කළ විමසීමේදී සඳහන් කළේ එම පරීක්ෂාවන් කිරීම සඳහා එකදු බැලූනයක් හෝ පොලිසියේ නොතිබූ බවයි.
ඒ අනුව අනතුර පිළිබඳ වැඩිදුර පරීක්ෂණ සපුගස්කන්ද පොලිස් ස්ථානාධිපති ප්රධාන පොලිස් පරික්ෂක ඩබ්ලිව්. ජී. සුරවීර හා රථවාහන අංශයේ ස්ථානාධිපති ප්රධාන පොලිස් පරික්ෂක ජේ. දිසානායක යන නිලධාරීන්ගේ මෙහෙයවීම මත සිදු කරන බව සඳහන් වේ.
