අක්රමික ඉන්ධන ටෙන්ඩර් ලබාදීම හරහා ලංකා ඛනිජ තෙල් නීතිගත සංස්ථාවට රුපියල් මිලියන 800කට ආසන්න මූල්ය අලාභයක් සිදුවූ බවට චෝදනා එල්ල වන විමර්ශනයකට අදාළව හිටපු අමාත්ය අර්ජුන රණතුංග අත්අඩංගුවට ගෙන අධිකරණයට ඉදිරිපත් කිරීමට නියමිත බව අල්ලස් හෝ දූෂණ චෝදනා විමර්ශන කොමිසම අද(15) අධිකරණයට දැනුම් දී ඇති බව වාර්තා වේ.
අධික මිල ගණන් යටතේ ඉන්ධන ටෙන්ඩර් ලබාදීමේදී රජයේ අයිතිය යටතේ තිබූ ඛනිජ තෙල් සමාගමට සැලකිය යුතු පාඩුවක් සිදුවූ බවට විමර්ශකයින් චෝදනා කරමින්, එම නඩුවේ සැකකරුවෙකු ලෙස අර්ජුන රණතුංග නම් කර ඇති බව කොමිසමේ නියෝජිතයින් අධිකරණයට පවසා ඇත.
මෙම විමර්ශනය අඛණ්ඩව සිදුවන බැවින් අර්ජුන රණතුංගව අත්අඩංගුවට ගැනීමට තවදුරටත් පියවර ගනිමින් සිටින බව ද ඔවුන් අවධාරණය කර තිබේ.
මෙම චෝදනාවලට අදාළ කාල සීමාව තුළ ඛනිජ තෙල් සමාගමේ සභාපතිවරයා ලෙස කටයුතු කළ අර්ජුන රණතුංගගේ සහෝදරයා වන ධම්මික රණතුංගද මෙම විමර්ශනයට සම්බන්ධ අතර ඔහු අද(15) දින අල්ලස් හෝ දූෂණ චෝදනා විමර්ශන කොමිසම විසින් අත්අඩංගුවට ගෙන අධිකරණයට ඉදිරිපත් කල අතර පසුව ඇප මත මුදාහරින ලදි.
