පවතින වැසි සහිත කාලගුණයත් සමග වික්ටෝරියා, රන්දෙණිගල, ඉරණමඩු, රන්ටැඹේ ජලාශවල වාන් දොරටු විවෘත කර තිබේ.
ඒ අනුව වික්ටෝරියා ජලාශයේ වාන් දොරටු 04 ක්, රන්දෙණිගල හා රන්ටැඹේ ජලාශයේ දොරටු 02 ක බැගින් විවෘත කර ඇති බව වාරිමාර්ග දෙපාර්තමේන්තුව පවසයි.
මේ අතර මින්නේරිය වාර ඉංජිනේරුවරයා පවසන්නේ වාන්දොරටු 6 ක් විවෘත කර තිබූ මින්නේරිය ජලාශයේ වාන් දොරටු පහක් අඟල් හයකින්ද එක් වාන් දොරටුවක් අඩියකින්ද තවමත් විවෘත කර ඇති අතර බවයි.
ඉන් තත්පරයට ඝන අඩි දහසක ජල ධාරිතාවක් අගල වාන් ඇළ හරහා කවුඩුළු වැවට මුදා හැරෙන අතර මේ හේතුවෙන් අගලවාන් ඇල දෙපස සිටින පුද්ගලයින්ට අවධානයක් සිටින ලෙසයි ඉල්ලා සිටියි.
