පසුගියදා ඇති වූ ආපදා තත්ත්වය හේතුවෙන් අඩාල වූ දිවයිනේ ප්රධාන දුම්රිය මාර්ග කිහිපයක සේවාවන් යළි ආරම්භ කරන දිනයන් පිළිබඳව ප්රවාහන හා මහාමාර්ග නියෝජ්ය අමාත්යවරයා අද (18) පාර්ලිමේන්තුවේදී විශේෂ ප්රකාශයක් සිදු කර තිබේ.
ඒ අනුව අඹේපුස්ස සහ බදුල්ල අතර දුම්රිය සේවාවන් එළඹෙන දෙසැම්බර් 20 වැනිදා වන විට යළි ආරම්භ කිරීමට අපේක්ෂා කෙරේ.
2026 ජනවාරි 01 වැනිදා සිට උතුරු දුම්රිය මාර්ගයේ සේවාවන් කන්කසන්තුරේ දක්වා දීර්ඝ කෙරෙනු ඇත.
එසේම පුත්තලම මාර්ගය හරහා හලාවත දක්වා වන දුම්රිය සේවාවන් ද ජනවාරි 01 වැනිදා සිට යළි ආරම්භ විමට නියමිතව තිබේ.
තවද සම්පූර්ණයෙන්ම පිළිසකර කරන ලද මඩකලපුව දුම්රිය මාර්ගය ද ජනවාරි 01 වැනිදා සිට ධාවන කටයුතු සඳහා විවෘත වන අතර තලෙයිමන්නාරම මාර්ගයේ සේවාවන් ද පෙබරවාරි 01 වැනිදා සිට සම්පූර්ණයෙන්ම ක්රියාත්මක වීමට නියමිතව තිබේ.
