වෛද්ය රුක්ෂාන් බෙල්ලනගේ වැඩ තහනම් කිරීම බරපතල අසාධාරණයක් බව විපක්ෂ නායක සජිත් ප්රේමදාස අද (19) පාර්ලිමේන්තුවේදී ප්රකාශ කලේය.
විපක්ෂ නායකවරයා සඳහන් කළේ, සෞඛ්ය ක්ෂේත්රයේ සිදුවන දූෂණ වංචා සහ අක්රමිකතා පිළිබඳව රුක්ෂාන් බෙල්ලන මාධ්ය හමුවේ අදහස් දක්වාවි යන බියකින් වත්මන් ආණ්ඩුව වෛද්ය රුක්ෂාන් බෙල්ලනගේ වැඩ තහනමට ලක් කර ඇති බවයි.
ආණ්ඩුක්රම ව්යවස්ථාව මගින් සහතික කර ඇති මූලික අයිතිවාසිකම් පිළිබඳව අදහස් දක්වමින් විපක්ෂ නායකවරයා පෙන්වාදෙන්නේ, සෞඛ්ය ක්ෂේත්රයේ පවතින ගැටලු ගැන කතා කිරීමට වෛද්යවරයකුට පවතින අයිතිය සීමා කිරීම මගින් පුරවැසියන්ගේ ජීවත්වීමේ අයිතිය ද අනතුරේ වැටෙන බවයි.
එමෙන්ම හබරකඩ සහ මතුගම ප්රදේශවල කාන්තාවන් දෙදෙනෙකු ‘ඔන්ඩන්සෙට්රෝන්’ (Ondansetron) නමැති බාල එන්නත ලබාගැනීමෙන් ජීවිතක්ෂයට පත්වීම පිළිබඳව සජිත් ප්රේමදාස රජයේ අවධානය යොමු කලේය.
“බාල බෙහෙත් මාෆියාව නිසා 37 හැවිරිදි සහ 23 හැවිරිදි කාන්තාවන් දෙදෙනෙකුට ජීවිත අහිමි වී තිබෙනවා. මෙවැනි දූෂණ ගැන කතා කරන අය ගෙදර යවන අතරේ, අහිමි වූ ජීවිතවලට සාධාරණය ඉටු කරන්නේ කවුද?”
විපක්ෂ නායකවරයා වැඩිදුරටත් ඉල්ලා සිටියේ නව ආණ්ඩුක්රම ව්යවස්ථාවක් සකස් කිරීමේදී මූලික අයිතිවාසිකම් යටතට නිදහස් අධ්යාපනය, නිදහස් සෞඛ්යය, සංස්කෘතික සහ ආගමික අයිතීන් ද ඇතුළත් කරමින් එහි විෂය පථය පුළුල් කළ යුතු බවයි.
කෙසේවෙතත් විපක්ෂ නායකවරයාගේ කරුණු දැක්වීමට පිළිතුරු දෙමින් අග්රාමාත්ය හරිනි අමරසූරිය කියා සිටියේ, අදාළ මරණ දෙක පිළිබඳව රජය දැඩි ලෙස කණගාටුවට පත්වන බවයි.
එවැනි මරණ සිදු නොවිය යුතු බවට පිළිගන්නා බවත් ඒ පිළිබඳව මේ වන විටත් විධිමත් විමර්ශනයක් ආරම්භ කර ඇති බවත් අග්රාමාත්යවරිය පැවසීය.
එම විමර්ශන වාර්තා ලැබෙන තෙක් මේ පිළිබඳව වැඩිදුර තොරතුරු හෙළි කළ නොහැකියි,” යනුවෙන් අග්රාමාත්යවරිය වැඩිදුරටත් සඳහන් කලාය.
