මෙරට භාවිතය තාවකාලිකව අත්හිටුවා ඇති ඔන්ඩන්සෙට්රෝන් (Ondansetron) එන්නත සම්බන්ධයෙන් වැඩිදුර පරීක්ෂණ සිදුකිරීම සඳහා විශේෂඥයන් 7 දෙනෙකුගෙන් යුත් කමිටුවක් පත්කර ඇති බව සෞඛ්ය අමාත්යාංශය නිවේදනය කරයි.
නියෝජ්ය සෞඛ්ය අමාත්ය වෛද්ය හංසක විජේමුණි පැවසුවේ, මෙම කමිටුව විසින් ඔන්ඩන්සෙට්රෝන් භාවිතයෙන් පසු රෝගීන් දෙදෙනෙකු මියගිය බවට වාර්තා වූ සිදුවීම් මෙන්ම එම ඖෂධයෙන් ඇති වූ බව කියන සංකූලතා සම්බන්ධයෙන්ද විස්තීර පරීක්ෂණයක් සිදුකරනු ඇති බවයි.
ඔන්ඩන්සෙට්රෝන් ඖෂධය මෙරට දෙලක්ෂයකට (200,000කට) ආසන්න පිරිසක් භාවිතා කර ඇති බවද නියෝජ්ය අමාත්යවරයා සඳහන් කරයි.
මෙම තීරණය ජාතික ඖෂධ නියාමන අධිකාරිය (NMRA) විසින් එන්නතේ සමහර කාණ්ඩ ප්රමිතියෙන් තොර බවට සැකය මත භාවිතය අත්හිටුවීමෙන් පසුව ගෙන ඇති පියවරක් වන අතර කමිටුවේ පරීක්ෂණ ප්රතිඵල අනුව ඉදිරි තීරණ ගැනීමට නියමිතව තිබේ.
