තඹුත්තේගම මලියදේවපුර ප්රදේශයේදී වන අලියෙකු පහරදීමෙන් පුද්ගලයෙකු මියගොස් ඇති බව වාර්තා වේ.
අදාළ පුද්ගලයා සිය වගා භූමියේ සිටියදී මෙලෙස වන අලි ප්රහාරයට ලක්ව ඇති බව පොලිසිය පවසයි.
මෙලෙස මියගොස් ඇත්තේ 48 හැවිරිදි මලියදේවපුර ප්රදේශයේ පදිංචිව සිටි තිදරු පියෙකි.
සිය කුඹුරට පැමිණෙන වන අලි පන්නා දැමීම සඳහා ඊයේ (19) මිතුරන් දෙදෙනකු සමඟ කුඹුරු යාය ආසන්නයේ මාර්ගයේ බොක්කුවක් අසල රැදී සිටියදී මෙම වන අලියා පැමිණ පහරදීම සිදු කර ඇත.
ඔහු සමඟ සිටි මිතුරන් දෙදෙනා බෝක්කුව පහළට පැන දිවි බේරා ගෙන තිබිණි.
මිය ගිය පුද්ගලයා වන අලියාගෙන් බේරීම සඳහා මාර්ගයේ දිව ගොස් ඇති අතර, ඔහු පසු පස පන්නා ගොස් වන අලියා පහරදීම සිදු කර ඇති බව වාර්තා වේ.
ඔහු එම ස්ථානයේදීම ජීවිතක්ෂයට පත් වී ඇති බව සඳහන් අතර සිද්ධිය සම්බන්ධයෙන් තඹුත්තේගම පොලීසිය වැඩිදුර පරීක්ෂණ සිදු කරයි.
