බූස්ස අධි ආරක්ෂිත බන්ධනාගාරය තුළ ඉකුත් මාස 12 තුළ සිදුකළ සෝදිසි මෙහෙයුම් 72කින් ජංගම දුරකතන 133ක් ඇතුළු තහනම් දේපල සොයා ගෙන ඇතැයි පොලිස් මූලස්ථානය පවසයි.
ඉකුත් ජනවාරි මස 01 වැනිදා සිට දෙසැම්බර් මස 26 වැනිදා දක්වා කාලය තුළ බූස්ස බන්ධනාගාරයේ මෙම මෙහෙයුම් සිදුකර ඇත්තේ පොලිස් විශේෂ කාර්ය බලකා බූස්ස කඳවුරේ හා ගාල්ල කඳවුරේ නිලධාරින් එක්ව බන්ධනාගාර හදීසි ප්රතිචාර හා උපක්රමික ඒකකයේ නිලධාරීන් විසිනි.
ඒ අනුව ජංගම දුරකතන 133ක්, සිම් කාඩ්පත් 159ක්, දුරකතන චාජර් 110ක්, ඩේටා කේබල් 122ක්, මෙමරි චිප් 02ක්, ජංගම දුරකතන බැටරි 12ක්, හෑන්ඩ් ෆ්රී 56ක්, දුම්වැටි කොටස් 12ක්, පිහි 03ක්, හෙරොයින් මත්කුඩු ග්රෑම් 02යි මිලිග්රෑම් 850ක් සහ දුම්කොල ග්රෑම් 40යි මිලිග්රෑම් 12ක් සොයා ගෙන තිබේ.
