පරිසර අමාත්යාංශයට අයත් සමුද්රිය පරිසර ආරක්ෂණ අධිකාරියේ පරිසර සභාව වසර දෙකකට පසු අද (02) රැස් වී ඇති බව වාර්තා වේ.
මහාචාර්ය සෙව්වන්දි ජයකොඩිගේ සභාපතීත්වයෙන් යුතුව මෙහි ඉදිරි සභාවන් රැස්වෙන අතර 2023 වසරෙන් පසු පළමු වරට මෙ වසරේ සභාව රැස්වී ඇත.
සමුද්රිය පරිසරයේ ස්වාභාවික සම්පත් සංරක්ෂණය, සමුද්ර දූෂණය වැළැක්වීම සදහා වන අදාළ උපදේශනයන්, ලෝකයේ ප්රධාන නැව් මාර්ගයක පිහිටා ඇති ලංකාවට අයත් සාගර කලාපය හරහා සිදුවන මෙහෙයුම් කටයුතුවල තත්ත්වයන් සහ එම මෙහෙයුම් මගින් ඇතිවන දුෂණයන් ආදී කටයුතු පිළිබඳ උපදේශනයන් ලබා දීම මේ හරහා සිදු වේ.
ශ්රී ලංකාවට අයත් සාගර කලාපය දුෂණයෙන් තොරව පවත්වා ගැනීම සහ එහි ස්වභාවික සම්පත් සංරක්ෂණය වෙනුවෙන් උපදෙස් ලබා දෙමින් ශ්රී ලංකාවේ සමුද්රිය උරුමය සුරක්ෂිත කිරීම වෙනුවෙන් ප්රතිපත්තිමය තීරණ ගන්නා මෙම සභාව යළි සක්රීය වීම, මෙරට නිල් ආර්ථිකය (Blue Economy) ශක්තිමත් කිරීමටද මහඟු පිටුවහලක් වනු ඇතැයි අපේක්ෂා කෙරේ.
මෙම පළමු පරිසර සභාවේ ආරාධිතයෝ ලෙස පරිසර අමාත්ය වෛද්ය දම්මික පටබැඳි, ගරු නියෝජ්ය අමාත්ය ඇන්ටන් ජයකොඩි, අමාත්යාංශ ලේකම් රෝහිතඋඩුවාවල, සභාපති සමන්ත ගුණසේකර, සාමාන්යාධිකාරි ජගත් ගුණවර්ධන ඇතුළු පිරිසක් සහභාගි වූහ.
