දිවයිනට ගිනිකොණ දෙසින් බෙංගාල බොක්ක මුහුදු ප්රදේශයේ ස්ථාපිතව පවතින අඩු පීඩන කලාපය මේ වනවිට මඩකලපුවට කිලෝමීටර් 700ක් දුරින් ස්ථානගතව පවතින බව වාර්තා වේ.
කාලගුණවිද්යා දෙපාර්තමේන්තුවේ අනාවැකි අංශයේ අධ්යක්ෂ මෙරිල් මෙන්ඩිස් පවසා සිටියේ මෙම පද්ධතිය ඉදිරි පැය කිහිපය තුළ පීඩන අවපාතයක් දක්වා වර්ධනය වී හෙට (08) දිනයේ ශ්රී ලංකාවේ නැගෙනහිර වෙරළ ආසන්නයට පැමිණිය හැකි බවයි.
මෙම පද්ධතියේ බලපෑම හේතුවෙන් දිවයිනේ වැසි සහ සුළං තත්ත්වයේ වැඩිවීමක් අපේක්ෂා කරන බවද ඔහු කියා සිටියි.
විශේෂයෙන් උතුරු, උතුරු මැද, නැගෙනහිර, ඌව සහ මධ්යම යන පළාත්වල විටින් විට වැසි අපේක්ෂා කරන අතර ඉදිරි දින කිහිපයේ කාලගුණවිද්යා දෙපාර්තමේන්තුව විසින් නිකුත් කරනු ලබන අනාවැකි සම්බන්ධයෙන් අවදානයෙන් පසුවෙන ලෙසත් මෙරිල් මෙන්ඩිස් ජනතාවට දැනුම්දෙයි.
මේ අතර කන්කන්සතුරේ සිට ත්රිකුණාමලය සහ මඩකලපුවේ සිට හම්බන්තොට දක්වා වු මුහුදු ප්රදේශයන්හි අද සිට නැවත දැනුම්දෙන තුරු ධීවර හා නාවික කටයුතුවලින් වළකින ලෙසත් මෙරිල් මෙන්ඩිස් ජනතාවට දැනුම් දෙයි.
