පරන්තන් – මුලතිව් ප්රධාන මාර්ගයේ මොරසුමෝටෙයි ප්රදේශයේදී සිදුවූ රිය අනතුරකින් පුද්ගලයින් සිව්දෙනෙකු මිය ගොස් ඇති බව වාර්තා වේ.
අද (12) සවස එම අනතුර සිදුව තිබුණේ බස් රථයක් සහ මෝටර් රථයක් මුහුණට මුහුණ ගැටීමෙන් බව පොලිස් මාධ්ය කොට්ඨාසය සඳහන් කරයි.
අනතුර සිදුවන අවස්ථාවේදී මෝටර් රථයේ පුද්ගලයින් පස් දෙනෙකු සිට ඇති අතර ඉන් සිව්දෙනෙකු මෙලෙස මියගොස් ඇත.
මේ අතර පුත්තලම – කොළඹ ප්රධාන මාර්ගයේ මුන්දලම නවදන්කුලම ප්රදේශයේ අද (12) උදෑසන සිදුවූ අනතුරකින් පුද්ගලයින් තිදෙනෙකු ජීවිතක්ෂයට පත්ව තිබේ.
මෝටර් රථයක් සහ වෑන් රථයක් එකිනෙක ගැටීමෙන් මෙම අනතුර සිදුව ඇති බව පොලීසිය සඳහන් කළේය.
සිද්ධියෙන් මෝටර් රථයේ ගමන් කළ කාන්තාවන් දෙදෙනෙකු සහ පිරිමි පුද්ගලයෙකු ජීවිතක්ෂයට පත්ව ඇති බව වාර්තා වේ.
අනතුරින් තුවාල ලැබූ පුද්ගලයෙකු හලාවත රෝහල වෙත ඇතුළත් කර ඇති බව ද පොලීසිය වැඩිදුරටත් පැවසීය.
මේ අතර ඔයාමඩුව පොලිස් වසමේ නිකවැව ප්රදේශයේදී සිදුවූ රිය අනතුරකින් පුද්ගලයෙකු මියගොස් තවත් පුද්ගලයින් 06 දෙනෙකු රෝහල් ගත කර තිබේ.
අද (12) දහවල් 1.30ට පමණ එම අනතුර සිදුව ඇති බව ඔයාමඩුව පොලීසිය පවසයි.
ත්රිරෝද රථයක් හා මෝටර් රථයක් එකිනෙක ගැටීමෙන් මෙම අනතුර සිදුව ඇති බව වාර්තා වෙයි.
අනතුරින් මියගොස් ඇත්තේ, ත්රිරෝද රථයේ රියදුරු බව පොලීසිය පවසයි.
